日本人出名愛貓,貓多過人的島,比比皆是,如果你以為咁樣已經係狂熱,咁就太年輕了。其實自1987 年起,民間已自行將每年的 2 月 22 日號訂為「猫の日」,目的係慶祝及紀念人類與貓咪和平共存,開心生活。

羨慕死香港的貓奴,唔知幾時先有呢?

雖然香港仲未有,但作為忠心的貓奴,呢個咁重要咁重要咁重要(至少講3次)的節日,同5大須知,仍然係需要好好記誦同Bookmark的。

01|點解222係「猫の日」?

日文發音中的「222」,讀音係 ニャン(NYA)ニャン(NYA)ニャン(NYA),同喵星人的叫聲好似,好明顯,222「猫の日」係天意啦!

02|「猫の日」的發起過程係?

日本人相信,喵星人會帶來財富和幸運,對貓不知幾咁珍而重之,1987年,日本寵物團體「社団法人ペットフード協会」就決定將222訂為「猫の日」。

03|「猫の日」會點過?

美食!全部都係美食!!全心全意侍奉之外,亦要提供限定的人間美食。不少商店會推出「猫の日」限定產品,如貓咪造型的麵包、曲奇餅,亦有寵物店提供「猫の日」折扣優惠,方便貓奴好好表達心意。

美中不足係,由於唔係法定假期,貓奴無得放假。

04|「猫の日」,政府有咩「表示」先?

都有,2010年(日本平成22年)時,郵政局曾經在「猫の日」推出貓樣圖案特別版郵戳,紀念「22年2月22日」的超級貓之日。

嗱,都話日本係貓國啦!

05|一年一日太少!仲有冇其他「猫の日」呀?

都話地球已不能阻止貓,國際愛護動物基金會(International Fund for Animal Welfare)有「國際貓之日 International Cat Day」,日期好易記,8 月 8 日。

美國都有,叫「國家貓之日 National Cat Day」,冇咁易記,10 月 29 日,但都叫有心肝。

俄羅斯的「世界貓之日」(World Cat Day),就在3月1日。

近近地的台灣,亦有「台灣貓節」,4 月 4 日,同兒童節同一日。又啱喎,兩者的本質都幾似。

留言

Please enter your comment!
Please enter your name here