朋友仔是中環一間日本料理常客。知道店方剛落戶佐敦搞鐵板燒, 我們一行三人就趁A小姐生日去試吓啦 ^^ 坐高枱睇住大廚表演食足三個幾鐘… 大大隻龍蝦毛蟹出場, 老細果然落重本, 服務又貼心, 唔錯喎 ^^

平日晚上八點半抵達全店滿座,幸好有訂位! (偷笑)

套餐有兩個價錢 →  $450@/ $780@,所有套餐都有沙律、刺身、炒飯、雜菜,湯和甜品!

我們剛好三個人,又另點了三款海鮮小食限定!生日飯嘛,食豪D啦 ^^

我點了一杯夢幻特飲 ~ 由藍碟花、玫瑰花汁和奇異果汁混合製成,味道清新又吸睛 ^^


三點刺身有甜蝦,北寄貝和三文魚;甜蝦都幾大隻


第一款限定小食 – 北海道海膽流沙大蝦多士 $168

賣相好靚仔!!! 燒蝦超大隻,海膽份量足夠鋪滿整塊多士 ^^ 不過老老實實呢件多士似印度薄餅多d囉 ^^


第二款限定小食 – 甲羅燒層層海膽杯 $168

呢個真係不得了!!! 蟹蓋裡面由下而上放滿蟹膏、魚子、蟹肉、海葡萄,海謄和黑魚子醬!

師傅細心逐層隔開口感相似的食材,令層次感更顯分明,好窩心!

依家諗返起都流口水!真!心!正!


第三款限定小食 – 北海道海膽焗原條海參 $168

鐵板燒有海參食已經夠哂驚喜 ^^ 究竟呢個中日 fusion 菜係咩煮法?^^

大廚先爆香辣椒,用鮑汁焗煮一會,再把海膽融入當中。

呢個 fusion 菜令海參又鮮甜又爽滑,仲好鬼惹味,而且份量十足!好得 ^^


嘩嘩嘩… 終於輪到我的第一道主菜啦 「海膽醬芝士焗原隻龍蝦」

睬!!勁大隻囉!而且都幾厚肉,超級靚仔 ^^

不過我自己就覺得呢款芝士味道太強,稍為搶了海膽和龍蝦的味道哦。!


之後有 「北海道黑松露帆立貝」和 「招牌脆皮煎鰻魚」, 呢塊魚皮好香脆好好食!果然係招牌菜喎 ^^


A小姐的主菜是「北海道原隻毛蟹兩食」,即是鐵板燒毛蟹和焗蟹蓋 ~

我一向都比較鐘意食鱈場蟹,啖啖肉既,但今日呢隻毛蟹都好唔錯喎,隻隻腳仔都好有肉地!

而且肉質鮮甜,見佢隻蟹咁正,又有齊食蟹功具,我下次都要獨食原隻慢慢嘆 ^^


另外兩款主菜是「香蒜帆立貝」和「紐西蘭羊架配香煎雞扖」

A小姐話食完毛蟹都已經八成飽,其實羊架和雞扖的份量太多了 ^^


而另一友人的主菜是「A5和牛薄燒」 ~ 和牛產地每天不同,包括宮崎、熊本、松板、鹿兒島,飛驒和近江!

今日就選用日本「全國和牛能力共進會大賽中」連續勇奪三連霸的宮崎牛啦 ^^

由於薄切關係, 師傅把蒜片和蔥花藏在和牛裡面一同煎香,令你每一口都充滿油脂蒜香。

So Yummy ^^ 可惜只有兩片啦。哈哈!  


「北海道原隻粒貝」,呢位師傅煮海鮮真係有一手,粒貝切到細細粒,都可以完全無過火,粒粒爽滑彈牙。


「慢煮法國凍鵝肝」,雖然不及香煎來得吸引,但欣賞師傅食材配搭方面,既創新又有驚喜。

哈!我不會拆穿人家的心意,自己試啦! ^^


「蟹肉炒飯」雖然臨近尾聲,但仍然沒半點馬虎 ~

師傅把蛋醬和白飯混為一體,再重新炒至粒粒乾身,令每一粒飯既彈牙又充滿蛋香,讚!


最後上場的紙包海鮮湯亦有南瓜和昆布湯底選擇 ^^


甜品當然就是那塊吸滿油脂的麵包拿來做焦糖多士吧 ^^

今晚真的大滿足!無論環境、服務和食物質素都好滿意,位置亦算方便,從九龍站或佐敦站步行前往約10分鐘, 門口仲有咪錶位添。

留言

Please enter your comment!
Please enter your name here